പത്തനംതിട്ട : സ്വന്തം ഫോണിൽ നിന്നും വാട്സാപ്, ഇൻസ്റ്റഗ്രാം, ടെലിഗ്രാം എന്നീ സാമൂഹിക മാധ്യമങ്ങളിലൂടെ പരിചയപ്പെട്ട പെൺകുട്ടിയുടെ അശ്ലീല ഫോട്ടോകളും മറ്റും ലഭ്യമാക്കുകയും പെൺകുട്ടിക്ക് അശ്ലീല വീഡിയോകൾ അയച്ചുകൊടുക്കുകയും ചെയ്തതിന് യുവാവ് പോലീസ് പിടിയിൽ. ആറന്മുള പോലീസ് രജിസ്റ്റർ ചെയ്ത പോക്സോ ഐ ടി നിയമങ്ങൾ പ്രകാരം രജിസ്റ്റർ ചെയ്ത കേസിൽ നാരങ്ങാനം തൈപറമ്പിൽ പ്രഭാത് നിവാസിൽ പ്രഭാത്( 18) ആണ് അറസ്റ്റിലായത്. പോലീസ് ഇൻസ്പെക്ടർ ബി അയൂബ് ഖാൻ, എസ് ഐ മാരായ രാജീവ്,അനിരുദ്ധൻ, എ എസ് ഐ നെപ്പോളിയൻ, എസ് സി പി ഓ സജീഫ് ഖാൻ, സി പി ഓ മുബാറക് എന്നിവരടങ്ങിയ സംഘമാണ് പ്രതിയെ പിടികൂടിയത്.
