കൊടുങ്ങല്ലൂര് : മണംപിടിച്ചെത്തിയ പോലീസ് നായയ്ക്ക് മുന്നില് കഞ്ചാവുമായി യുവാവ് കുടുങ്ങി. ഡോഗ് സ്ക്വാഡിന്റെ സഹായത്തോടെ നടത്തിയ പോലീസ്, എക്സൈസ് സംയുക്ത പരിശോധനയിലാണ് കഞ്ചാവ് പിടിച്ചെടുത്തതും യുവാവ് അറസ്റ്റിലായതും. എടവിലങ്ങ് ജനത ജങ്ഷന് പാടമാട്ടുമ്മല് ജിജോയെയാണ് (30) സംയുക്ത പരിശോധനയില് പിടികൂടിയത്. ഇയാളില്നിന്ന് 20 ഗ്രാം കഞ്ചാവ് പിടിച്ചെടുത്തു.
കൊടുങ്ങല്ലൂരിലും പരിസര പ്രദേശങ്ങളിലും കഞ്ചാവും മയക്കുമരുന്നുകളും വില്ക്കുന്നവരുടെയും ഉപയോഗിക്കുന്നവരുടെയും വീടുകളില് എക്സൈസും പോലീസും ഡോഗ് സ്ക്വാഡും ചേര്ന്ന് സംയുക്തമായാണ് പരിശോധന നടത്തിയത്. പോലീസിന്റെയും എക്സൈസിന്റെയും നേതൃത്വത്തില് കഞ്ചാവ് കണ്ടെത്തുന്നതില് വിദഗ്ധനായ ഡോഗ് റാണയും പരിശോധനയില് പങ്കെടുത്തു.
