കുറ്റിപ്പുറം : ആറു കിലോ കഞ്ചാവുമായി യുവാക്കള് പിടിയില്. തവനൂര് സിഡ് ഫാം സ്വദേശി മുഹമ്മദ് ജുറൈജ് (19), കൊണ്ടോട്ടി പള്ളിപ്പുറം സ്വദേശി ഷമീര് (22) എന്നിവരാണ് കുറ്റിപ്പുറം പോലീസിന്റെ പിടിയിലായത്. കുറ്റിപ്പുറം ടൗണിലെ ലോഡ്ജില് രണ്ടുപേര് കഞ്ചാവ് വില്പനക്ക് എത്തിയതായ രഹസ്യവിവരത്തെ തുടര്ന്ന് ബുധനാഴ്ച ഉച്ചയോടെ നടന്ന പരിശോധനയിലാണ് ഇവര് പിടിയിലായത്. ചെന്നൈയില് നിന്നാണ് കഞ്ചാവ് കൊണ്ടുവരുന്നതെന്ന് ഇവര് പോലീസിനോട് പറഞ്ഞു.
3000 രൂപയില് താഴെ വിലവരുന്ന കഞ്ചാവ് നാട്ടില് 30,000ലധികം രൂപക്കാണ് വില്ക്കുന്നത്. ജുറൈജിന് മുമ്പും കഞ്ചാവ് വില്പന നടത്തിയതിന് കേസുണ്ട്. ചെന്നൈ, ബംഗളൂരു എന്നിവിടങ്ങളില് ജോലിക്കോ പഠനത്തിനോ എന്ന പേരില് പോയി മയക്കുമരുന്ന് കടത്തിലേര്പ്പെടുന്നവരെ പോലീസ് നിരീക്ഷിച്ചുവരുകയായിരുന്നു. സി.ഐ ശശീന്ദ്രന് മേലെയില്, എസ്ഐമാരായ വിനോദ്, പ്രമോദ്, എഎസ്ഐമാരായ ജയപ്രകാശ്, എസ്.സി.പി.ഒ ജയപ്രകാശ്, സുധീര്, സി.പി.ഒ സുമേഷ് എന്നിവരാണ് പരിശോധന നടത്തിയത്.
