കൊല്ലം : നഗരത്തില് അമിത വേഗത്തില് മോട്ടോര് സൈക്കിള് ഓടിച്ച യുവാക്കളെയും മോട്ടോര് ബൈക്കുകളും പോലീസ് പിടികൂടി. സൈലന്സറില് രൂപമാറ്റം വരുത്തി അമിത ശബ്ദമുണ്ടാക്കി നഗര ഹൃദയത്തിലൂടെ വാഹനം ഓടിച്ച യുവാക്കളാണ് ഈസ്റ്റ് പോലീസിന്റെ പിടിയിലായത്. അമിതശബ്ദവും വേഗവും പൊതുജനങ്ങള്ക്ക് ഭീതി ജനപ്പിക്കുന്ന തരത്തിലായിരുന്നു. ചിന്നക്കടയില് നിന്നുമാണ് മോട്ടോര് സൈക്കിളുകള് പിടികൂടിയത്.
ഉമയനല്ലൂര് വടക്കേക്കര വീട്ടില് ആര്. റമീസ് (24), കരിക്കോട് വടക്കേവീട്ടില് എ. ശ്രീക്കുട്ടന് (19) എന്നിവരാണ് പിടിയിലായത്. മോട്ടോര് സൈക്കിളുകള് കോടതിയില് ഹാജരാക്കി. വാഹനം ഓടിച്ച യുവാക്കളുടെ ലൈസന്സ് റദ്ദാക്കുന്നതിന് മോട്ടോര് വാഹന വകുപ്പിന് ശുപാര്ശ കൈമാറി. ഈസ്റ്റ് ഇന്സ്പെക്ടര് ആര്. രതീഷിന്റെ നേതൃത്വത്തിലുള്ള സംഘമാണ് വാഹനം പിടിച്ചെടുത്തത്. കഴിഞ്ഞ ദിവസവും അമിത ശബ്ദവും വേഗവുമുണ്ടാക്കിയ സ്കൂട്ടര് പിടിച്ചെടുത്തിരുന്നു. നഗരത്തില് ബൈക്ക് റൈസിങ്ങിനും അമിതശബ്ദത്തിനുമെതിരെ കര്ശനമായ നിയമ നടപടികള് സ്വീകരിക്കുമെന്ന് സിറ്റി പോലീസ് കമ്മീഷണര് ടി. നാരായണന് അറിയിച്ചു.
