തിരുവനന്തപുരം: തിരുവനന്തപുരത്ത് റോഡില്വെച്ച് 11 വയസ്സുകാരിക്ക് നേരെ അതിക്രമത്തിന് ശ്രമിക്കുകയും സംഭവത്തെപ്പറ്റി ചോദ്യം ചെയ്ത മുത്തച്ഛന്റെ കൈ തല്ലിയൊടിക്കുകയും തലക്കടിച്ചു കൊലപ്പെടുത്താന് ശ്രമിക്കുകയും ചെയ്ത കേസിലെ പ്രതി അറസ്റ്റില്. തേക്കട കന്യാക്കുളങ്ങര സിന്ധു ദവനില് ബിജു (33) ആണ് പിടിയിലായത്. ഇക്കഴിഞ്ഞ 27ന് രാവിലെ 9 മണിയോടെയാണ് സംഭവം നടന്നത്. അയല്വീട്ടിലേക്ക് പാല് വാങ്ങാനായി പോയ പതിനൊന്നു വയസുകാരിയെ ബിജു വഴിയില് വച്ച് കടന്നുപിടിച്ച് ആക്രമിക്കാന് ശ്രമിക്കുകയായിരുന്നു.
പെണ്കുട്ടി പേടിച്ച് സമീപത്തെ വീട്ടില് ഓടി കയറിയാണ് രക്ഷപ്പെട്ടത്. വീട്ടുകാര് അറിയിച്ചതനുസരിച്ച് കുട്ടിയുടെ മുത്തച്ഛന് സ്ഥലത്തെത്തി. കുട്ടിയില് നിന്നും വിവരങ്ങള് മനസ്സിലാക്കി ചോദിക്കാന് ചെന്ന മുത്തച്ഛനെ ബിജു കമ്പി വടികൊണ്ട് തലക്കടിച്ചു കൊലപ്പെടുത്താന് ശ്രമിക്കുകയും കൈ തല്ലി ഒടിക്കുകയും ചെയ്തു. തുടര്ന്ന് പോലീസ് കേസെടുക്കുകയായിരുന്നു. പ്രതിക്കെതിരെ വധശ്രമത്തിനും പോക്സോ പ്രകാരവും കേസ് രജിസ്റ്റര് ചെയ്തു.
