കുഴിത്തുറ : ജനറൽ ബിപിൻ റാവത്തിന്റെ മരണവുമായി ബന്ധപ്പെട്ട് തമിഴ്നാട് സർക്കാരിനെ അപകീർത്തിപ്പെടുത്തുന്ന പ്രചാരണം നടത്തിയ കേസിൽ യുവാവിനെ പോലീസ് അറസ്റ്റുചെയ്തു. പുതുക്കട പന്തിരപറമ്പ് സ്വദേശി ഷിബിൻ(24) ആണ് അറസ്റ്റിലായത്. സമൂഹമാധ്യമത്തിലൂടെ അപകീർത്തി പ്രചാരണം നടത്തിയെന്നാണ് കേസ്. പുതുക്കട ഇൻസ്പെക്ടർ അനിൽകുമാറിന്റെ പരാതിയെത്തുടർന്ന് സൈബർ ക്രൈം പോലീസാണ് ഷിബിനെ അറസ്റ്റുചെയ്തത്. കുഴിത്തുറ കോടതി റിമാൻഡ് ചെയ്തു.
