മലപ്പുറം: മാരക മയക്കുമരുന്നായ എംഡിഎം എയുമായി യുവാവ് എക്സൈസിന്റെ പിടിയില്. പുളിക്കലൊടി പുക്കാട്ടിരി അഭിരാജി(24)നെയാണ് കാളികാവ് റേഞ്ച് എക്സൈസ് ഇന്സ്പെക്ടര് ടി ഷിജുമോനും സംഘവും പിടികൂടിയത്. മമ്പാട് പുളിക്കലൊടിയിലുള്ള പഞ്ചായത്ത് വലിയകുളത്തിന് സമീപം വെച്ചാണ് നിരോധിത മയക്കുമരുന്നായ മൂന്ന് ഗ്രാം എം ഡി എം എയുമായി അഭിരാജ് പിടിയിലായത്.
പ്രതി ഉപയോഗിച്ചിരുന്ന ബൈക്കും എക്സൈസ് കസ്റ്റഡിയിലെടുത്തിട്ടുണ്ട്. നിലമ്പൂര് കോടതിയില് ഹാജരാക്കിയ പ്രതിയെ റിമാന്ഡ് ചെയ്തു. പ്രിവന്റീവ് ഓഫീസര് പി അശോക്, സിവില് എക്സൈസ് ഓഫീസര്മാരായ വി ലിജിന്, കെ ആബിദ്, എം സുനില്കുമാര്, വനിതാ സിവില് എക്സൈസ് ഓഫീസര് എ കെ നിമിഷ, ഡ്രൈവര് സവാദ് നാലകത്ത് എന്നിവരാണ് പ്രതിയെ പിടികൂടിയത്.
