തിരുവനന്തപുരം: സംസ്ഥാന യുവജന കമ്മീഷന് ചെയര്പേഴ്സണ് ചിന്താ ജെറോം ഡി വൈ എഫ് ഐയുടെ തെക്കന് മേഖലാ ജാഥയുടെ മാനേജരായത് ധാര്മികതയ്ക്ക് നിരക്കാത്തതെന്ന് യൂത്ത് കോണ്ഗ്രസ്. സിവില് കോടതിക്കുള്ള അധികാരങ്ങള് ഉള്ള കമ്മീഷന് ചെയ്തത് നിയമവിരുദ്ധ പ്രവര്ത്തനമാണെന്ന് കാട്ടി ഗവര്ണര്ക്ക് പരാതി നല്കി. യൂത്ത് കോണ്ഗ്രസിന് വേണ്ടി സംസ്ഥാന ജനറല് സെക്രട്ടറി ബിനു ചുള്ളിയില് ആണ് പരാതി സമര്പ്പിച്ചത്.
സംസ്ഥാന യുവജന കമ്മീഷന് എന്നത് സ്വതന്ത്ര നീതി നിര്വ്വഹണ സ്ഥാപനമാണെന്നും എന്നാല് ഭരിക്കുന്ന പാര്ട്ടിയുടെ കൊടിയും പിടിച്ച് ജാഥ നയിക്കുന്നത് നീതി ന്യായ വ്യവസ്ഥയോടുള്ള വെല്ലുവിളിയാണെന്നും പരാതിയില് പറയുന്നു. ചെയര്പേഴ്സണ് സ്ഥാനം ചിന്ത ജെറോം രാജിവെച്ച് ഒഴിയുന്നതാണ് അഭികാമ്യമെന്നും അല്ലെങ്കില് അവരെ പുറത്താക്കാന് മുഖ്യമന്ത്രി ആര്ജ്ജവം കാട്ടണമെന്നും യൂത്ത് കോണ്ഗ്രസ് ആവശ്യപ്പെട്ടു. കഴിഞ്ഞ 28 നാണ് ഡിവൈഎഫ്ഐയുടെ മേഖലാ ജാഥകള് ആരംഭിച്ചത്. സംസ്ഥാന സെക്രട്ടറി നയിക്കുന്ന തെക്കന് ജാഥയുടെ മാനേജരാണ് ചിന്ത ജെറോം.
