കോഴിക്കോട്; കിണറ്റില് കയറുകൊണ്ട് ചുറ്റിവരിഞ്ഞ നിലയില് യുവാവിന്റെ മൃതദേഹം കണ്ടെത്തിയ സംഭവത്തില് ദുരൂഹത. നിഹാള് റോഡിലെ ഉപയോഗശൂന്യമായ കിണറ്റില് കയറുകൊണ്ട് ചുറ്റിവരിഞ്ഞ നിലയിലാണ് യുവാവിന്റെ മൃതദേഹം കണ്ടെത്തിയത്. പൊക്കുന്ന് സ്വദേശിയായ ജിഷാന്തിന്റെ മൃതദേഹമാണ് കണ്ടെത്തിയത്. ദുരൂഹ സാഹചര്യത്തിലാണ് യുവാവിന്റെ മൃതദേഹം കണ്ടെത്തടുത്തത്. എന്നാല് യുവാവിന്റേത് മുങ്ങിമരണമെന്ന് പ്രാഥമിക പോസ്റ്റുമോര്ട്ടം റിപ്പോര്ട്ട്.
ജിഷാന്തിന്റെ മൃതദേഹത്തില് മറ്റു പാടുകളോ പിടിവലിയുടെ ലക്ഷണങ്ങളോയില്ല. എന്നാല് മൃതദേഹത്തില് കയറുചുറ്റിയത് ദുരൂഹത വര്ധിപ്പിക്കുന്നു. യുവാവ് കിണറ്റിലേക്ക് ചാടിയതാണോ അതോ ആരെങ്കിലും തള്ളിയിട്ടതാണോ എന്ന സംശയവും നിലനില്ക്കുണ്ട്. സിസിടിവി ദൃശ്യങ്ങളില് തിങ്കളാഴ്ച്ച പുലര്ച്ചെ മൂന്നു മണിയോടെ ആനിഹാള് റോഡ് പരിസരത്ത് ജിഷാന്ത് എത്തുകയും മറ്റൊരാളുമായി സംസാരിക്കുന്നതായും കാണാം. ഇയാളെ കണ്ടെത്താനുള്ള ശ്രമത്തിലാണ് പോലീസ്.
