കൊച്ചി : അതിമാരക മയക്കുമരുന്നായ എംഡിഎംഎയുമായി എറണാകുളം സ്വദേശികളായ യുവാക്കള് അറസ്റ്റില്. കളമശ്ശേരി സ്വദേശി കെ.കൃഷ്ണ (22), ഇടപ്പള്ളി സ്വദേശി വിജയ് കൃഷ്ണന് (23), കളമശ്ശേരി സ്വദേശി ജോയല് (24) എന്നിവരാണ് കൊച്ചി സിറ്റി നാര്കോട്ടിക് സെല്ലിന്റെ പിടിയിലായത്. കൊച്ചി സിറ്റി ഡാന്സാഫും തൃക്കാക്കര പോലീസും ചേര്ന്ന് നടത്തിയ പരിശോധനയില് കങ്ങരപ്പടി എസ്എന്ഡിപി സ്കൂളിന് സമീപത്തെ ഒരു വാടക വീട്ടില് നിന്നുമാണ് അഞ്ച് ഗ്രാം എംഡിഎംഎയുമായാണ് ഇവരെ അറസ്റ്റ് ചെയ്തത്.
കൊച്ചി പോലീസ് കമീഷണറേറ്റിന്റെയും എറണാകുളം റൂറല് പോലീസ് ജില്ലയുടെയും അതിര്ത്തി പ്രദേശമായതിനാല് പോലീസിന്റെ പരിശോധനയുണ്ടാകില്ലെന്ന വിശ്വാസത്തിലാണ് പ്രതികള് ഈ ഭാഗങ്ങള് കേന്ദ്രീകരിച്ച് ലഹരി വില്പന നടത്തിക്കൊണ്ടിരുന്നതെന്നും പ്രതികള്ക്ക് ബംഗളൂരുവില് നിന്നും മയക്കുമരുന്ന് കളമശ്ശേരിക്ക് എത്തിച്ചുനല്കുകയാണ് ചെയ്യുന്നതെന്നും പോലീസ് പറഞ്ഞു. കഴിഞ്ഞ ഒരാഴ്ചയായി പ്രതികള് നിരീക്ഷണത്തിലായിരുന്നു.
