തിരുവല്ല : സുഭിക്ഷ കേരളം പദ്ധതിയുടെ ഭാഗമായി പെരിങ്ങര പഞ്ചായത്തിലെ മുണ്ടപ്പള്ളി കോളനിക്ക് സമീപത്തെ പഞ്ചായത്ത് വക കുളത്തിൽ 1800 മത്സ്യക്കുഞ്ഞുങ്ങളെ നിക്ഷേപിച്ചു. ഫിഷറീസ് വകുപ്പിൽ നിന്നും അനുവദിച്ച രോഹു, കട്ല എന്നീ ഇനം കുഞ്ഞുങ്ങളെയാണ് നിക്ഷേപിച്ചത്. പദ്ധതിയുടെ ഉദ്ഘാടനം ഗ്രാമ പഞ്ചായത്ത് പ്രസിഡന്റ് മാത്തൻ ജോസഫ് നിർവഹിച്ചു.
ഗ്രാമ പഞ്ചായത്തംഗങ്ങളായ എം.സി ഷൈജു, ശാന്തമ്മ ആർ നായർ , ബ്ലോക്ക് പഞ്ചായത്തംഗം സോമൻ താമരച്ചാൽ തുടങ്ങിയവർ പങ്കെടുത്തു. കഴിഞ്ഞ 20 വർഷക്കാലമായി മുടങ്ങിക്കിടന്നിരുന്ന മത്സ്യ കൃഷിയാണ് പുനരാരംഭിച്ചത്. മത്സ്യ കൃഷിയുടെ നടത്തിപ്പിനായി 21 അംഗ ജനറൽ കമ്മിറ്റിക്ക് രൂപം നൽകി.