തൃശൂര് : ഹാഷിഷ് ഓയിലുമായി രണ്ട് പേര് അറസ്റ്റില്. തൃശൂര് വാടാനപ്പള്ളിയില് നിന്നാണ് ഏഴ് കിലോ ഹാഷിഷ് ഓയില് പിടികൂടിയത്. ഒന്നരക്കോടി രൂപയുടെ ലഹരിയാണ് കണ്ടെടുത്തതെന്ന് പോലീസ് അറിയിച്ചു. മാള സ്വദേശികളായ സുമേഷ്, സുജിത്ത് ലാല് എന്നിവരാണ് സംഭവത്തില് പിടികൂടിയത്. ചോക്ളേറ്റ് കൊണ്ടു പോയിരുന്ന ലോറിയിലൂടെ ഹാഷിഷ് കടത്താനായിരുന്നു ശ്രമം. വിഷു – ഈസ്റ്റര് ആഘോഷങ്ങള്ക്കിടെ ചില്ലറ വില്പനയ്ക്കായി മാളയിലേക്ക് കൊണ്ടുവരികയായിരുന്നു. തുടര്ന്ന് വാടാനപ്പള്ളിയില് നടത്തിയ വാഹന പരിശോധനക്കിടെ കുടുങ്ങുകയായിരുന്നു. കഴിഞ്ഞ ദിവസം തൃശൂരില് നിന്നും ഹാഷിഷ് ഓയില് പിടിച്ചെടുത്തിരുന്നു. സംഭവത്തില് 11 കിലോ ഹാഷിഷ് ഓയിലുമായി മൂന്ന് യുവാക്കള് പിടിയിലായി. തൃശൂര് സ്വദേശി ലിഷാന്, പാവറട്ടി സ്വദേശി അനൂപ്, കൊന്നി സ്വദേശി നസീം എന്നിവരാണ് പിടിയിലായത്.
