കുന്നിക്കോട് : ഭിന്നശേഷിക്കാരിയായ 35 കാരിയെ വിവാഹവാഗ്ദാനം നൽകി പീഡിപ്പിച്ച് ഗർഭിണിയാക്കിയ സംഭവത്തിൽ തലവൂർ നടുത്തേരി മേലേപ്പുര മാംവിളപുത്തൻവീട്ടിൽ അനി (44) ആണ് പിടിയിലായത്. ഇയാളെ കുന്നിക്കോട് പോലീസാണ് അറസ്റ്റു ചെയ്തത്. ഇയാൾ വിവാഹിതനും രണ്ടുകുട്ടികളുടെ പിതാവുമാണ്.
ശാരീരിക അസ്വസ്ഥതകളെത്തുടർന്ന് യുവതിയെ വൈദ്യപരിശോധനയ്ക്ക് വിധേയമാക്കിയപ്പോഴാണ് ആറുമാസം ഗർഭിണിയാണെന്ന് വ്യക്തമായത്. സഹോദരി നൽകിയ പരാതിയെത്തുടർന്നാണ് കുന്നിക്കോട് പോലീസ് പ്രതിയെ അറസ്റ്റുചെയ്തത്. കുടുംബവുമായി അകന്നുകഴിയുന്ന ഇയാൾ യുവതിയെ പീഡിപ്പിച്ച സംഭവത്തിൽ 2014 ലും അറസ്റ്റിലായിട്ടുണ്ട്.
