കണ്ണൂര് : കേരളത്തിലെ വീടുകളില് വളര്ത്തുന്നത് ഒമ്പത് ലക്ഷത്തോളം നായകളെന്ന് മൃഗസംരക്ഷണ വകുപ്പ്. ഇവയില് ഒരു ശതമാനത്തിനുപോലും ലൈസന്സില്ല. തെരുവ് നായ്ക്കളുടെ എണ്ണം മൂന്നു ലക്ഷത്തോളവും വരും. പട്ടികള്ക്ക് ലൈസന്സെടുക്കാന് 50 രൂപയാണ്. വാക്ലിന് സൗജന്യമായി എല്ലാ സര്ക്കാര് മൃഗാസശുപത്രികളിലും ലഭിക്കും. ഒ.പി.ടിക്കറ്റ്, വാക്സിനേഷന് സര്ട്ടിഫിക്കറ്റ് എന്നിവയ്ക്കുള്ള ഫീസായി 30 രൂപ അടയ്ക്കണം.
പഞ്ചായത്തീരാജ് നിയമമനുസരിച്ച് പട്ടികളെ വളര്ത്താന് ലൈസന്സ് എടുക്കണം. ചട്ടം ലംഘിച്ചാല് 250 രൂപയാണ് പിഴ. ലൈസന്സ് എടുക്കേണ്ടത് തദ്ദേശ സ്ഥാപനങ്ങളില്നിന്നാണ്. 15 രൂപയാണ് ഫീസ്. മൃഗാശുപത്രികളില്നിന്ന് ലഭ്യമാകുന്ന വാക്സിനേഷന് സര്ട്ടിഫിക്കറ്റ് തദ്ദേശസ്വയംഭരണ സ്ഥാപനങ്ങളില് കാണിച്ചാല് ലൈസന്സ് ലഭിക്കും. വീടുകളില് വളര്ത്തുന്നവയില് കൂടുതലും നാടന് ഇനങ്ങളെയാണ്. പലരും വാക്സിന് എടുക്കുന്നില്ല. ഇവയെ തുറന്നുവിടുന്നതും പതിവാണ്. പേവിഷബാധയ്ക്കിരയാവുന്നത് ഇത്തരം പട്ടികളാണ്.
