ന്യൂഡല്ഹി : രാജ്യത്തിന്റെ വിവിധ ഭാഗങ്ങളില് കഴിഞ്ഞ ദിവസങ്ങളില് എന് ഐ എ നടത്തിയ റെയിഡിന്റെ ബാക്കിപത്രമെന്ന വണ്ണം ഇന്ന് പോപ്പുലര് ഫ്രണ്ട് ഓഫ് ഇന്ത്യയേയും അനുബന്ധ സംഘടനകളേയും കേന്ദ്രം നിരോധിച്ചു. അഞ്ച് വര്ഷത്തേക്കാണ് നിരോധനം. പോപ്പുലര് ഫ്രണ്ട് നേതാക്കളെ നേരത്തെ എന് ഐ എ കസ്റ്റഡിയിലെടുത്തപ്പോള് കേരളത്തില് ഹര്ത്താല് ആചരിച്ചിരുന്നു. ഇപ്പോള് സംഘടന ഒന്നാകെ നിരോധിച്ചപ്പോള് പ്രതികരണവുമായി രംഗത്തെത്തിയിരിക്കുകയാണ്.
രാഷ്ട്രീയ നിരീക്ഷകനായ അഡ്വ എ ജയശങ്കര്.അദ്ദേഹത്തിന്റെ പതിവ് ശൈലിയില് പരിഹാസപൂര്വമാണ് പോപ്പുലര് ഫ്രണ്ട് ഓഫ് ഇന്ത്യയുടെ നിരോധനത്തെ കുറിച്ച് അഭിപ്രായം രേഖപ്പെടുത്തിയിരിക്കുന്നത്. നിരോധിച്ച നടപടിക്കെതിരെ അഖില ലോക ഹര്ത്താല് സംഘടിപ്പിക്കണമെന്നും കെഎസ്ആര്ടിസി ബസിനു മാത്രമല്ല എയര് ഇന്ത്യ വിമാനത്തിനും കല്ലെറിയണമെന്നും അദ്ദേഹം അഭിപ്രായപ്പെട്ടു.
