റാന്നി: ജനകീയാസൂത്രണത്തിന്റെ രജത ജൂബിലി , സ്വാതന്ത്ര്യത്തിന്റെ എഴുപത്തി അഞ്ചാം വാർഷികം എന്നിവയുടെ ഭാഗമായി ഹയർ സെക്കന്ററി വിദ്യാർത്ഥികൾക്കായി സംഘടിപ്പിച്ച പെർഫോമൻസ് യൂണിറ്റ് തല പ്രാഥമിക മത്സരം റാന്നി പഴവങ്ങാടി ഗ്രാമ പഞ്ചായത്ത് പ്രസിഡന്റ് അനിത അനിൽകുമാർ ഉദ്ഘാടനം ചെയ്തു. പെർഫോമൻസ് ഓഡിറ്റു സൂപ്പർവൈസർ സുമേഷ് കുമാർ അധ്യക്ഷത വഹിച്ചു. അമ്പിളി, ആർ ശ്രീകല, സെബി ഷാജഹാൻ, സി കെ ബൈജു, പ്രജിത്ത് പ്രസന്നൻ എന്നിവർ പ്രസംഗിച്ചു. ക്വിസ് മത്സരത്തിൽ ഒന്നാം സ്ഥാനം എസ്എൻഡിപി എച്ച്എസ്എസ് ചെന്നീർക്കര, രണ്ടാം സ്ഥാനം ലിറ്റിൽ ഫ്ലവർ പബ്ലിക് സ്കൂൾ. ട്രോഫികളും ക്യാഷ് അവാർഡും നൽകി.
