ചാരുംമൂട്: കാറും ഓട്ടോ റിക്ഷയും കൂട്ടിയിടിച്ചുണ്ടായ അപകടത്തില് രണ്ടു പേര് മരിച്ചു. കൊല്ലം – തേനി ദേശീയ പാതയില് ചാരുംമൂട് പത്തിശ്ശേരില് ക്ഷേത്രത്തിനു മുന്വശം കാറും ഓട്ടോ റിക്ഷയും കൂട്ടിയിടിച്ചത്. കുട്ടിയടക്കം നാല് പേര്ക്ക് പരിക്കേറ്റു. ഓട്ടോറിക്ഷ ഡ്രൈവര് ചുനക്കര തെരുവുമുക്ക് കിഴക്കേവിളയില് ചോണേത്ത് അജ്മല് ഖാന് (തമ്പി-57) ഓട്ടോറിക്ഷയില് യാത്ര ചെയ്തിരുന്ന ചുനക്കര തെക്ക് രാമനിലയത്തില് തങ്കമ്മ (75) എന്നിവരാണ് മരിച്ചത്.
ഓട്ടോറിക്ഷയിലുണ്ടായിരുന്നചുനക്കര നടുവില് തെക്കണശ്ശേരി തെക്കതില് ദിലീപ് ഭവനം മണിയമ്മ (57) പരിക്കേറ്റ് വണ്ടാനം മെഡിക്കല് കോളേജില് ചികിത്സയിലാണ്. ചെന്നൈയില് ജോലി ചെയ്യുന്ന പ്രബിനും ഭാര്യയും കുട്ടിയുമാണ് കാറിലുണ്ടായിരുന്നത്. ഇവര്ക്കും പരിക്കേറ്റെങ്കിലും ഗുരുതരമല്ല. കൊല്ലം പുത്തൂരേക്ക് വരികയായിരുന്നു ഇവര്. കഴിഞ്ഞ ദിവസം വൈകിട്ട് നാല് മണിയോടെയായിരുന്നു അപകടം.
