ആലപ്പുഴ : സ്കൂള് വിദ്യാര്ത്ഥിനിയെ ബലാത്സംഗം ചെയ്ത് കൊലപ്പെടുത്തിയ കേസിലെ പ്രതി ഹൈക്കോടതിയെ തെറ്റിദ്ധരിപ്പിച്ച് ജാമ്യം നേടി. പോലീസ് കുറ്റപത്രം നല്കിയത് മറച്ചുവച്ചാണ് പ്രതി ഹൈക്കോടതിയില് നിന്ന് ജാമ്യം നേടിയത്. ആലപ്പുഴ തുറവൂര് സ്വദേശിനിയായ പെൺകുട്ടിയെ കൊലപ്പെടുത്തിയ സഫര് ഷായാണ് കോടതിയെ തെറ്റിധരിപ്പിച്ച് ജാമ്യം നേടിയത്. പ്രതിയുടെ ജാമ്യം റദ്ദാക്കാൻ പോലീസ് അപ്പീൽ നൽകി. ഈ വർഷം ജനുവരി എട്ടിനാണ് പ്രതി അറസ്റ്റിൽ ആകുന്നത്. ഏപ്രിൽ 1 ന് പോലീസ് കുറ്റപത്രം സമർപ്പിച്ചു. എന്നാല് മെയ് 12 നാണ് ഹൈക്കോടതി ജാമ്യം നൽകിയത്.
