ചെങ്ങന്നൂര്: ബി.ജെ.പി കലാ-സാംസ്കാരിക വിഭാഗം സംസ്ഥാന സമിതി അംഗം ടി.ജി. സജികുമാറും സഹപ്രവര്ത്തകരും ബി.ജെ.പിയില് നിന്ന് രാജിവെച്ച് ലോക് താന്ത്രിക് ജനതാദളില് ചേര്ന്നു.
സജികുമാര് പ്രമുഖ പടയണി കലാകാരനും ഫോക്ലോര് അക്കാദമി അവാര്ഡ് ജേതാവുമാണ്. എല്.ജെ.ഡി സംസ്ഥാന കമ്മിറ്റി അംഗം ഗിരീഷ് ഇലഞ്ഞിമേല് ഷാള് അണിയിച്ച് സ്വീകരിച്ചു.
ചെങ്ങന്നൂര് നിയോജക മണ്ഡലം പ്രസിഡന്റ് ആര്. പ്രസന്നന്, കൊച്ചനിയന്, പ്രതീഷ് പൈതൃകം, ജി. വിശ്വനാഥന്, റിനു മാത്യു, അരുണ് പേരിശേരി, പ്രസന്നന് പള്ളിപ്പുറം എന്നിവര് സംസാരിച്ചു.
