അടൂർ : പ്രായപൂർത്തിയാകാത്ത അടൂർ സ്വദേശിയായ പെൺകുട്ടിയെ ലൈംഗികമായി പീഡിപ്പിച്ച് ഗർഭിണിയാക്കിയ സംഭവത്തിൽ പ്രതി പിടിയിലായി. പറക്കോട് മറ്റത്ത് കിഴക്കതിൽ താജുദ്ദീൻ്റെ മകൻ അപ്പു എന്ന് വിളിക്കുന്ന സാബുവിനെയാണ് അടൂർ പോലീസ് പോലീസ് അറസ്റ്റ് ചെയ്തത്. ബാംഗ്ലൂരിൽ നിന്നാണ് ഇയാളെ പോലീസ് പിടികൂടിയത്.
പ്രതിയുടെ പേരിൽ അടൂർ പോലീസ് സ്റ്റേഷനിൽ മുൻപും പല കേസുകളുണ്ട്. പ്രതി സാബു രണ്ടു കുട്ടികളുടെ പിതാവാണ്. ഭാര്യയും കുട്ടികളും മാസങ്ങളായി സാബുവുമായി പിണങ്ങി കഴിയുകയാണ്. അടൂർ ഡി വൈ എസ് പി ആർ ബിനുവിൻ്റെ നിർദ്ദേശാനുസരണം അടൂർ പോലീസ് സ്റ്റേഷൻ എസ് എച്ച് ഒ യു ബിജുവിനെ നേതൃത്വത്തിൽ SI മാരായ ശ്രീജിത്ത് ബി എസ്, രാജേന്ദ്രൻ ,ബിജു ജേക്കബ് സി പി ഒ മാരായ അൻസാജു, റോബി ഐസക്ക് ഡബ്ല്യൂ സി പി ഒ റഷീദാ ബീഗം എന്നിവരുടെ നേതൃത്വത്തിലാണ് പ്രതിയെ പിടികൂടിയത്.
