ആലപ്പുഴ : കേരള മുസ്ലിം ജമാഅത് കൗണ്സില് സംസ്ഥാന ചെയര്മാന് എ പൂക്കുഞ്ഞ് അന്തരിച്ചു. 74 വയസ്സായിരുന്നു. ഇന്ന് പുലര്ച്ചെ ആയിരുന്നു അന്ത്യം. കെഎസ്യുവിലൂടെ സംഘടന രാഷ്ടീയ രംഗത്ത് പ്രവേശിച്ച പൂക്കുഞ്ഞ് പിന്നീട് പ്രമുഖ സോഷ്യലിസ്റ്റ് നേതാവും ജമാഅത് കൗണ്സില് ആദ്യകാല നേതാവുമായ എസ് എം നൂഹ് സാഹിബിനൊപ്പമാണ് കേരള മുസ്ലിം ജമാഅത്ത് കൗണ്സിലിന്റെ ജില്ലാ നേതൃത്വത്തിലേക്കും പിന്നീട് സംസ്ഥാന നേതൃത്വത്തിലേക്കും കടന്ന് വന്നത്.
ദീര്ഘകാലം ജമാഅത് കൗണ്സില് സംസ്ഥാന പ്രസിഡന്റ്, ജനറല് സെക്രട്ടറി സ്ഥാനങ്ങളില് പ്രവര്ത്തിച്ചു. കൂടാതെ പിന്നാക്ക സമുദായ മുന്നണി സംസ്ഥാന വൈസ് ചെയര്മാന്, കേരള സംസ്ഥാന വഖഫ് ബോര്ഡ് അംഗം, ആലപ്പുഴ ജില്ലാ ഗവണ്മെന്റ് പ്ലീഡര് എന്നീ സ്ഥാനങ്ങളിലും പ്രവര്ത്തിച്ചിട്ടുണ്ട്. സംസ്കാരം ഇന്ന് ഉച്ചയ്ക്ക് ആലപ്പുഴ പടിഞ്ഞാറേ പള്ളിയില് നടക്കും.
