കോന്നി : തണ്ണിത്തോട് മൂഴിയില് കാട്ടാനയുടെ ആക്രമണത്തില് കൃഷി നശിച്ചു. തണ്ണിത്തോട് മൂഴി കൊച്ചുകോട്ടമുരുപ്പ് തുണ്ടിയത്ത് റ്റി കെ ജിജിയുടെ കായ്ഫലമുള്ള തെങ്ങ്, റബ്ബര് തുടങ്ങിയവയാണ് നശിപ്പിച്ചത്. കഴിഞ്ഞ ദിവസം വൈകീട്ട് ഇറങ്ങിയ ഒറ്റയാന് കൃഷിയിടത്തില് നാശം വിതയ്ക്കുകയായിരുന്നു. തുടര്ന്ന് വനപാലകരെ വിവരം ധരിപ്പിച്ചതിന് ശേഷം ഇവരെത്തി ആനയെ പടക്കം പൊട്ടിച്ച് വനത്തിലേക്ക് അയച്ചു. ഒരാഴ്ച്ച മുന്പും ഇവിടെ ആന ഇറങ്ങിയിരുന്നു. വനാതിര്ത്തിയില് സ്ഥാപിച്ചിരിക്കുന്ന സോളാര് പ്രവര്ത്തന സജ്ജമാക്കണമെന്നും ആവശ്യമുയരുന്നു.
