കോന്നി : തണ്ണിത്തോട് മണ്ണീറ വെള്ളച്ചാട്ടത്തില് മദ്യപ ശല്ല്യം വര്ധിക്കുന്നു. നിരവധി വിനോദ സഞ്ചാരികള് വന്ന് പോകുന്ന വെള്ളച്ചാട്ടത്തില് എത്തുന്ന മദ്യപ സംഘങ്ങള് ഇവിടെ ഇരുന്ന് മദ്യപിച്ച ശേഷം മദ്യ കുപ്പികള് വെള്ളത്തില് പൊട്ടിച്ചിടുന്നതും പതിവാണ്. ഇത്തരത്തില് പൊട്ടിച്ചിടുന്ന കുപ്പിച്ചില്ലുകള് വെള്ളത്തിലിറങ്ങുന്നവരുടെ കാലില് കുത്തികയറുന്നതിനും സാധ്യതയുണ്ട്.
കൂടാതെ പ്ലാസ്റ്റിക് കുപ്പികള് അടക്കം വെള്ളച്ചാട്ടത്തിന് സമീപത്തെ മരത്തിന്റെ വേരുകളില് വെച്ചിരിക്കുന്നതും കാണാം. പലപ്പോഴും ആളൊഴിയുന്ന സമയങ്ങളില് ഇവിടെ മദ്യപര് താവളമാക്കാറുണ്ടെന്നും ഇത് സഞ്ചാരികൾക്ക് ബുദ്ധിമുട്ട് സൃഷ്ടിക്കുന്നതായും നാട്ടുകാര് പറയുന്നു. തണ്ണിത്തോട് പോലീസും സ്ഥലത്ത് പരിശോധന കര്ശനമാക്കണമെന്നും ആവശ്യമുയരുന്നുണ്ട്.