റാന്നി: ഡിസംബർ 15 മുതൽ 27 വരെ റാന്നിയില് നടക്കുന്ന അഖില ഭാരത അയ്യപ്പ ഭാഗവത മഹാ സത്രത്തിന്റെ മുന്നോടിയായി ആറന്മുള പാർത്ഥസാരഥി ക്ഷേത്രത്തിൽ നാളെ സത്രം രക്ഷാധികാരിയായ സുരേഷ് ഗോപി എത്തിച്ചേരുന്നു. ശൈവ – വൈഷ്ണവ ക്ഷേത്രങ്ങളെയും മാതൃസമിതി- നാരായണീയ സമിതികളെയും ഏകോപിപ്പിക്കുകയും ആറന്മുള പാർത്ഥസാരഥി ക്ഷേത്രത്തിൽ നടക്കുന്ന അയ്യപ്പ സത്രസഹായ സമിതി രൂപീകരണത്തിൽ പങ്കെടുക്കാനുമാണ് സുരേഷ് ഗോപി എത്തുന്നത്.
കേരളത്തിലെ ശൈവ-വൈഷ്ണവ ക്ഷേത്രങ്ങളെയും അയ്യപ്പ ക്ഷേത്രങ്ങളെയും ഏകോപിപ്പിക്കാൻ വിവിധ പദ്ധതി തയ്യാറാക്കുകയും ലക്ഷ്യമാണ്. അയ്യപ്പസ്വാമിയുടെ അവതാരോദേശ്യവും ചരിത്രവും ലോകത്തിന് മാതൃകയും ലക്ഷ്യവും നൽകാൻ അയ്യപ്പസത്രം വഴിയോരുക്കും. അയ്യപ്പ സത്രവുമായി ബന്ധപ്പെട്ട് പന്തളം മണികണ്ഠൻ ആൽത്തറയിൽ നടത്തുന്ന നാരായണീയം പരിപാടിയിൽ പങ്കെടുക്കാൻ താൽപ്പര്യം ഉള്ളവർക്ക് നാരായണിയം ടീച്ചർ കെ എസ് വിജയലക്ഷ്മിയമ്മയെ ഈ നമ്പരില് ബന്ധപ്പെടാം.ഫോണ് :9961389228.
