പത്തനംതിട്ട : പങ്കാളിത്തപെൻഷൻ പദ്ധതി പിൻവലിക്കുക, ഡി എ കുടിശിക അനുവദിക്കുക, ദേശീയ വിദ്യാഭ്യാസനയം പിൻവലിക്കുക, പ്രീ പ്രൈമറിയിലെ അധ്യാപികമാർക്കും ആയമാർക്കും ശമ്പളസ്കെയിൽ അനുവദിക്കുക തുടങ്ങി പൊതുവിദ്യാഭ്യാസ മേഖലയിലെ നിരവധി വിഷയങ്ങൾക്ക് പരിഹാരം കാണണം എന്ന് ആവശ്യപെട്ട് എ കെ എസ് ടിയു (ആൾ കേരള സ്കൂൾ ടീച്ചേഴ്സ് യൂണിയൻ ) സംസ്ഥാനതലത്തിൽ ജില്ലാ കേന്ദ്രങ്ങളിൽ സംഘടിപ്പിച്ച മാർച്ചിന്റെയും ധർണ്ണയുടെയും പത്തനംതിട്ടജില്ലാ തല ഉദ്ഘാടനം പത്തനംതിട്ട ഡി ഇ ഒ ഓഫീസിനു മുൻപിൽ സംസ്ഥാന വൈസ് പ്രസിഡന്റ് ജോർജ്രരത്നം നിർവഹിച്ചു.
സംസ്ഥാനകമ്മിറ്റി അംഗം കെ എ തൻസീർ അധ്യക്ഷത വഹിച്ച യോഗത്തിൽ ജില്ലാ സെക്രട്ടറി സ പി എസ് ജീമോൻ സ്വാഗതം പറഞ്ഞു. സിപിഐ ജില്ലാ കൗൺസിൽ അംഗം വി കെ പുരുഷോത്തമൻപിള്ള, സിപിഐ പത്തനംതിട്ട മണ്ഡലം സെക്രട്ടറി അബ്ദുൽ ഷുക്കൂർ, എ കെ എസ് ടിയു ജില്ലാ വൈസ് പ്രസിഡന്റ് ആനി വർഗീസ്, ജില്ലാ ജോയിന്റ് സെക്രട്ടറി റെജിമലയാലപ്പുഴ, ജോയിന്റ് സെക്രട്ടറിമാരായ അരുൺമോഹൻ, പി സി ശ്രീകുമാർ ജില്ലാ കമ്മിറ്റി അംഗങ്ങളായ പി ടി മാത്യു, ധന്യടീച്ചർ എന്നിവർ സംസാരിച്ചു.
