അത്തിക്കയം : നാറണംമൂഴി കുടുംബാരോഗ്യ കേന്ദ്രം, കൃഷിഭവൻ, മൃഗശുപത്രി, ബഡ്സ് സ്കൂൾ, ഹോമിയോ ആശുപത്രി എന്നിവടങ്ങളിൽ നിന്ന് പ്രധാന റോഡിലേക്ക് ഇറങ്ങുന്ന ഭാഗത്ത് അപകടങ്ങള് പെരുകിയതോടെ റോഡ് സുരക്ഷ കണ്ണാടി സ്ഥാപിച്ച് യൂത്ത് കോണ്ഗ്രസ് പ്രവര്ത്തകര്. യൂത്ത് കോൺഗ്രസ് നാറണംമൂഴി മണ്ഡലം കമ്മിറ്റിയുടെ നേതൃത്വത്തിൽ 11-ാമത് വഴിയോര കണ്ണാടിയാണ് ഇവിടെ സ്ഥാപിച്ചത്. യൂത്ത് കോൺഗ്രസ് നിയോജക മണ്ഡലം പ്രസിഡന്റ് പ്രവീൺ രാജ് രാമൻ ഉദ്ഘാടനം ചെയ്തു. നാറണംമൂഴി മണ്ഡലം പ്രസിഡന്റ് ഷിജോ ചേന്നമല അധ്യക്ഷത വഹിച്ചു. നിയോജക മണ്ഡലം ജനറൽ സെക്രട്ടറി ഷിബു തോണിക്കടവ്, മണ്ഡലം ജനറൽ സെക്രട്ടറിമാരായ സുനിൽ കിഴക്കേചരുവിൽ, നിയ സൂസൻ, മനോജ്, സുമിത് കണ്ണങ്കര, ബൈജു സിജിൻ എന്നിവർ പ്രസംഗിച്ചു.
