റാന്നി: കുരുമ്പന്മൂഴിയില് ശക്തമായ മഴവെള്ള പാച്ചില്. ഉരുള് പൊട്ടിയെന്ന സംശയത്തിലാണ് നാട്ടുകാര്. ഇവിയ്ക്കെത്താനുള്ള ഏക മാര്ഗമായ പമ്പാനദിയിലെ കോസ് വേ പൂര്ണ്ണമായും മുങ്ങി. പനംകുടന്ത വെള്ളച്ചാട്ടത്തിന് സമീപത്തു നിന്നുള്ള കുളത്തുങ്കല് തോട്ടില് നിന്നാണ് വെള്ളം കുതിച്ചെത്തുന്നത്. ഇവിടുത്തെ കൃഷി ഭൂമിയിലും പാലത്തിലും റോഡിലുമെല്ലാം വെള്ളം കയറിയിരുന്നു. നിലവില് പ്രശ്നങ്ങളൊന്നും ഇല്ലെന്ന് നാട്ടുകാര് പറഞ്ഞു. വെള്ളത്തിന്റെ വരവു കുറഞ്ഞതായും അവര് അവകാശപ്പെട്ടു. പ്രദേശത്ത് ഉച്ച മുതല് കനത്ത മഴ ആയിരുന്നു.
