ന്യൂഡല്ഹി : അഖിലേന്ത്യാ മെഡിക്കല് പ്രവേശനത്തിലെ സംവരണ മാനദണ്ഡങ്ങളില് മാറ്റമില്ലെന്ന് കേന്ദ്രസര്ക്കാര്. തീരുമാനം അറിയിച്ചുകൊണ്ട് കേന്ദ്രസര്ക്കാര് സുപ്രിംകോടതിയില് സത്യവാങ്മൂലം സമര്പ്പിച്ചു. എട്ടുലക്ഷം രൂപയെന്ന വാര്ഷിക വരുമാന പരിധി തുടരുക തന്നെ ചെയ്യും. മാനദണ്ഡങ്ങളില് മാറ്റം വേണ്ടെന്ന മൂന്നംഗ സമിതിയുടെ റിപ്പോര്ട്ടും കേന്ദ്രം കോടതിയില് കൈമാറി. അഞ്ചേക്കറോ അതില് കൂടുതല് ഭൂമിയുള്ള കുടുംബങ്ങളിലെ അംഗങ്ങളെ സാമ്പത്തിക സംവരണത്തില് നിന്ന് ഒഴിവാക്കാമെന്ന് സമിതി ശുപാര്ശ ചെയ്തിരുന്നു. ഈ ഭേതഗതി അടുത്ത അധ്യയന വര്ഷം നടപ്പാക്കാനാണ് സമിതിയുടെ ശുപാര്ശയെന്നും കേന്ദ്രസര്ക്കാര് സുപ്രിംകോടതിയെ അറിയിച്ചിട്ടുണ്ട്.
