റാന്നി: ലഹരി വിരുദ്ധ റാലിയും കലാപരിപാടികളും നടത്തി റാന്നി ജനമൈത്രി പോലീസും എസ്.പി.സിയും. പൊതുജനങ്ങളിലെ ലഹരി ഉപയോഗത്തിനെതിരെ ബോധവത്ക്കരണം നടത്തുന്നതിന്റെ ഭാഗമായി പോലീസ് നടപ്പിലാക്കുന്ന യോദ്ധാവ് പദ്ധതി പ്രകാരമാണ് ഇട്ടിയപ്പാറ സ്വകാര്യ ബസ് സ്റ്റാന്ഡില് പരിപാടി നടത്തിയത്. പ്രമുഖ കലാകാരന് താജ് പത്തനംതിട്ടയുടെ നേതൃത്വത്തിലാണ് കലാ പരിപാടികൾ നടത്തിയത്.
ചെത്തോങ്കര എസ്.സി.എച്ച്.എസ്.എസ്, റാന്നി എം.എസ്.എച്ച്.എസ്.എസ്, ചെറുകുളഞ്ഞി ബഥനി സ്കൂളുകളിലെ എസ്.പി.സി കേഡറ്റുകളും അധ്യാപകരും ജനമൈത്രി പോലീസുമാണ് പരിപാടിയില് പങ്കെടുത്തത്. റാന്നി പോലീസ് ഇന്സ്പെക്ടര് എം.ആര് സുരേഷ് ഉദ്ഘാടനം ചെയ്തു. സൂസന്സാം ലഹരിവിരുദ്ധ സന്ദേശം നല്കി. എസ്.ഐ സന്തോഷ്, സി.പി.ഒമാരായ സുമില്, രതീഷ്, നിധീഷ്, വിനീത്, വനിതാ സി.പി.ഒ അഞ്ജന, ജനമൈത്രി ബീറ്റ് ഓഫീസര് അശ്വദ്ധീഷ് എന്നിവര് പ്രസംഗിച്ചു.
