കൊച്ചി : അഞ്ചേരി ബേബി വധക്കേസില് മുന്മന്ത്രി എം.എം. മണി ഉള്പ്പടെ മൂന്ന് പേരെ കുറ്റവിമുക്തരാക്കിയ കോടതി നടപടി നീതി നിഷേധമെന്ന് സഹോദരന്. പാര്ട്ടിയുമായി ആലോചിച്ച് തുടര് നടപടി സ്വീകരിക്കുമെന്ന് സഹോദരന് ജോര്ജ് പ്രതികരിച്ചു. എം.എം. മണി, ഒ.ജി. മദനന്, പാമ്പുപാറ കുട്ടന് എന്നിവരെയാണ് ഹൈക്കോടതി കുറ്റവിമുക്തരാക്കിയത്. ഇവരുടെ വിടുതല് ഹര്ജി ഹൈക്കോടതി അനുവദിച്ചു. നേരത്തെ പ്രതികള് സമര്പ്പിച്ചിരുന്ന വിടുതല് ഹര്ജി തൊടുപുഴ സെഷന്സ് കോടതി തള്ളിയിരുന്നു. പ്രതികള് വിചാരണ നേരിടണമെന്നായിരുന്നു സെഷന്സ് കോടതി വിധി. പിന്നാലെയാണ് മൂവരും ഹൈക്കോടതിയെ സമീപിച്ചത്.
