കൊച്ചി : കരിപ്പൂര് സ്വര്ണക്കടത്ത് കേസില് കൊച്ചിയിലെ ഓഫിസില് ഹാജരായ അര്ജുന് ആയങ്കിയെ കസ്റ്റംസ് കസ്റ്റഡിയിലെടുത്തു. വൈകിട്ടോടെ അറസ്റ്റ് രേഖപ്പെടുത്തും. ഇന്ന് ചോദ്യം ചെയ്യലിന് ഹാജരാകാന് നിര്ദേശിച്ച് കസ്റ്റംസ് നോട്ടിസ് നല്കിയിരുന്നു.
കരിപ്പൂര് സ്വര്ണക്കടത്തില് അര്ജുന് ആയങ്കിക്ക് പങ്കുണ്ടെന്ന് കസ്റ്റംസ് കോടതിയില് നല്കിയ റിപ്പോര്ട്ടില് പറഞ്ഞു. പ്രതി മുഹമ്മദ് ഷഫീഖിന്റെ ഫോണ് രേഖയില് ഇത് വ്യക്തമാണ്. സ്വര്ണക്കടത്തിന്റെ ഉറവിടം സംബന്ധിച്ച് അന്വേഷണം തുടരുന്നുവെന്നും കസ്റ്റംസ് കോടതിയെ അറിയിച്ചു. ഷഫീഖിനെ ചോദ്യം ചെയ്യുന്നതിനായി അഞ്ചുദിവസം കസ്റ്റഡിയില് വിട്ടു.