പത്തനംതിട്ട: നിയമസഭ തെരഞ്ഞെടുപ്പുമായി ബന്ധപ്പെട്ട് ജില്ലയില് ആന്റി ഡീഫേയ്സ്മെന്റ് സ്ക്വാഡിന്റെ നേതൃത്വത്തില് ഇതുവരെ (മാര്ച്ച് 20) നീക്കം ചെയ്തത് 1729 പ്രചരണ സാമഗ്രികള്. 66 പ്രചരണ ബോര്ഡ്, 1528 പോസ്റ്റര്, 87 ബാനര്, 114 മറ്റ് പ്രചരണ ബോര്ഡ് എന്നിവയാണ് നീക്കം ചെയ്തത്. മാതൃക പെരുമാറ്റച്ചട്ടം നോഡല് ഓഫീസര് ഡി എം ഡെപ്യൂട്ടി കളക്ടര് ജി സുരേഷ് ബാബു, അസിസ്റ്റന്റ് നോഡല് ഓഫീസര് കിഫ്ബി സ്പെഷ്യല് തഹസില്ദാര് ജി ആനന്ദ് എന്നിവരുടെ മേല്നോട്ടത്തിലാണ് സ്ക്വാഡിന്റെ പ്രവര്ത്തനം.
നിഷ്പക്ഷവും സുതാര്യവുമായ തെരഞ്ഞെടുപ്പ് ഉറപ്പാക്കുന്നതിന്റെ ഭാഗമായി രൂപീകരിച്ച ആന്റി ഡീഫേയ്സ്മെന്റ് സ്ക്വാഡ് ജില്ലയുടെ വിവിധ ഭാഗങ്ങളില് പരിശോധന കര്ശനമാക്കി. പെരുമാറ്റച്ചട്ട ലംഘനവുമായി ബന്ധപ്പെട്ട പരാതി, ചിത്രം, വീഡിയോ എന്നിവ തത്സമയം പൊതുജനങ്ങള്ക്ക് സി-വിജില് ആപ്പ് മുഖേനെ അയക്കാം. സി-വിജില് ആപ്പില് ഇതുവരെ 534 പരാതി ലഭിച്ചു. 473 പരാതിക്ക് നടപടി സ്വീകരിച്ചു.
