ദുബായ്: ഇറാനില് ആയുധധാരികളായ വിഘടനവാദികള് പോലീസ് സ്റ്റേഷനുനേരെ നടത്തിയ ആക്രമണത്തില് 19 പേര് കൊല്ലപ്പെട്ടു. മരിച്ചവരില് മൂന്നു പേര് ഇറാന് റെവലൂഷണറി ഗാര്ഡ് അംഗങ്ങളാണ്. തെക്കുകിഴക്കന് ഇറാനിലെ സഹേദാന് നഗരത്തില് വെള്ളിയാഴ്ചയാണ് ആക്രമണമുണ്ടായതെന്ന് സര്ക്കാര് ഉടമസ്ഥതയിലുള്ള വാര്ത്താ ഏജന്സിയായ ഐആര്എന്എ റിപ്പോര്ട്ട് ചെയ്തു. ആക്രമണത്തിന്റെ ഉത്തരവാദിത്വം ആരും ഏറ്റെടുത്തില്ല. പാക്കിസ്ഥാന്, അഫ്ഗാനിസ്ഥാന് രാജ്യങ്ങളുമായി അതിര്ത്തി പങ്കിടുന്ന സിസ്താന്, ബലൂച്ചിസ്ഥാന് പ്രവിശ്യയില് സുരക്ഷാ സൈന്യത്തിനു നേരേ ബലൂച്ചിസ്ഥാന് വിഘടനവാദികളുടെ നേതൃത്വത്തില് ആക്രമണം നടക്കാറുണ്ട്. റെവലൂഷണറി ഗാര്ഡ് കേണല് ഹമീദ്രേസ ഹാഷിമിയും കൊല്ലപ്പെട്ടവരില് പെടുന്നു.
