ഒഡിഷ : കരടിയുടെ ആക്രമണത്തില് മൂന്ന് പേര് മരിച്ചു. ഗുരുതരമായി പരിക്കേറ്റ രണ്ട് പേര് ജില്ലാ ആശുപത്രിയില് ചികിത്സയിലാണ്. മരിച്ച മൂന്നുപേരെ ഇതുവരെ തിരിച്ചറിഞ്ഞിട്ടില്ല. സംഭവത്തില് രോഷാകുലരായ പ്രേദേശവാസികള് ചേര്ന്ന് കരടിയെ കൊന്നെന്നാണ് പുറത്തു വരുന്ന വിവരം. ഗ്രാമത്തില് നിന്നുള്ള മൂന്ന് പേര് ജോലിക്കായി വയലില് പോയിരുന്നു. വൈകുന്നേരമായിട്ടും ഇവര് തിരിച്ചെത്താത്തതിനെ തുടര്ന്ന് ഗ്രാമവാസികള് തിരച്ചില് നടത്തുന്നതിനിടെയാണ് മൂന്ന് മൃതദേഹങ്ങള് കണ്ടെത്തിയത്. അന്വേഷിച്ചു പോയ രണ്ടുപേരെയാണ് കരടി ആക്രമിച്ചത്. ഇതേതുടര്ന്ന് രോഷാകുലരായ നാട്ടുകാര് ചേര്ന്ന് കരടിയെ അടിച്ചുകൊന്നു.
