പത്തനംതിട്ട : രക്തദാന മേഖലയിലെ മികച്ച പ്രവർത്തനങ്ങൾക്ക് നേതൃത്വം നൽകുന്ന ബ്ലഡ് ഡോണേഴ്സ് കേരളയുടെ പത്തനംതിട്ട ജില്ലാ പ്രസിഡണ്ടും സ്റ്റേറ്റ് എക്സിക്യൂട്ടീവ് കമ്മിറ്റി മെമ്പറുമായ ബിജു കുമ്പഴക്ക് ടീം പത്തനംതിട്ട സോൾജിയേഴ്സ് (തപസ് ) ആദരിച്ചു. തപസിന്റെ രണ്ടാം വാർഷികത്തോട് അനുബന്ധിച്ച് കുമ്പഴ ലിജോ ഓഡിറ്റോറിയത്തിൽ നടന്ന ചടങ്ങിൽ പ്രശസ്ത കലാ സംവിധായകനും സിനിമ സംവിധായകനുമായ അനിൽ കുമ്പഴ ബിജുവിന് അവാർഡ് നൽകി. പ്രശസ്ത സാമൂഹ്യ പ്രവർത്തക ഡോ. എംഎസ് സുനിൽ , പത്തനംതിട്ട നഗരസഭ ചെയർമാൻ അഡ്വ. സക്കീർ ഹുസൈൻ, വാവ സുരേഷ്, ഗിന്നസ് റക്കോർഡ് ഉടമ താടി പ്രവീൺ പരമേശ്വരൻ , സിനിമ താരം ശബരി ബോസ് കൂടാതെ തപസ് കുടുംബാംഗങ്ങളും പങ്കെടുത്തു.
