തിരുവനന്തപുരം : ബിജെപി നേതാക്കള്ക്കിടയില് ജാതി വിവേചനമുണ്ടെന്നും തനിക്ക് അനുഭവമുണ്ടെന്നും വെളിപ്പെടുത്തി കഴിഞ്ഞ ദിവസം പാര്ട്ടി വിട്ട തിരുവനന്തപുരത്തെ വനിതാ നേതാവ്. തദ്ദേശ തെരഞ്ഞെടുപ്പുമായി ബന്ധപ്പെട്ട് നേതൃത്വത്തിന്റെ ഏകപക്ഷീയ തീരുമാനത്തെ തുടര്ന്ന് കഴിഞ്ഞ ദിവസം രാജിവെച്ച ബിജെപി വട്ടിയൂര്ക്കാവ് നിയോജക മണ്ഡലം സെക്രട്ടറി ആര്.ബിന്ദുവാണ് ബിജെപി നേതാക്കള്ക്കെതിരെ രംഗത്തെത്തിയത്.
തദ്ദേശ തെരഞ്ഞെടുപ്പില് ജനറല് വാര്ഡില് നിന്ന് തന്നെ ഒഴിവാക്കിയത് പിന്നോക്ക ജാതിക്കാരി ആയതിനാലാണ്. പിന്നോക്കക്കാരി എന്നതല്ലാതെ തന്നെ ഒഴിവാക്കാന് മറ്റ് കാരണങ്ങള് ഒന്നുമില്ല. പാര്ട്ടിക്ക് വേണ്ടി പത്ത് വര്ഷം പ്രവര്ത്തിച്ച താന് ഇനി നേതാക്കളുടെ ചവിട്ട് പടിയാകാന് ആഗ്രഹിക്കുന്നില്ലെന്നും ബിന്ദു പറഞ്ഞു. ഒരു മാധ്യമത്തിന് നല്കിയ അഭിമുഖത്തിലാണ് ബിന്ദു ഇക്കാര്യം തുറന്നുപറഞ്ഞത്.
