തിരുവനന്തപുരം : വീട് വയ്ക്കുന്ന സ്ഥലത്തു നിന്ന് മണ്ണ് മാറ്റുന്നതിനുള്ള ലാന്റ് ഡെവലപ്മെന്റ് സര്ട്ടിഫിക്കറ്റിനായി 2000 രൂപ കൈക്കൂലി വാങ്ങിയ കൊല്ലം വെട്ടിക്കവല വില്ലേജ് ഫീല്ഡ് അസിസ്റ്റന്റ് സുമേഷിനെ വിജിലന്സ് അറസ്റ്റ് ചെയ്തു. വെട്ടിക്കവല, നെറ്റിയോട് സ്വദേശി വിക്ടറാണ് വിജിലന്സില് പരാതി നല്കിയത്. ഭാര്യയുടെ വസ്തുവില് വീട് വയ്ക്കുന്നതിന് മണ്ണ് നീക്കാനാണ് വിക്ടര് വില്ലേജ് ഓഫീസില് അപേക്ഷ നല്കിയത്.
തുടര്ന്ന് സ്ഥല പരിശോധനയ്ക്കെത്തിയ സുമേഷ് സര്ട്ടിഫിക്കറ്റ് നല്കണമെങ്കില് 2000 രൂപ വേണമെന്നാവശ്യപ്പെട്ടു. വിവരം വിക്ടര് കൊല്ലം വിജിലന്സ് യൂണിറ്റ് ഡി.വൈ.എസ്.പി അബ്ദുല് വഹാബിനെ അറിയിച്ചു. ഓഫീസില് വച്ച് കൈക്കൂലി വാങ്ങി റെക്കാഡ് റൂമില് ഒളിപ്പിച്ച സുമേഷിനെ ഡി.വൈ.എസ്.പിയുടെ നിര്ദ്ദേശാനുസരണം ഇന്നലെ വൈകിട്ട് മൂന്നിനാണ് അറസ്റ്റ് ചെയ്തത്.
