തിരുവനന്തപുരം : രണ്ടാം പിണറായി സര്ക്കാരിന്റെ ആദ്യ സമ്പൂര്ണ ബജറ്റ് അവതരണം ആരംഭിച്ചു. ബജറ്റ് അവതരണത്തിന് മുന്പ് ചര്ച്ചയ്ക്കുള്ള അവസരം ഇല്ലാതാക്കിയെന്ന് വി.ഡി സതീശന്. സാമ്പത്തിക അവലോകന റിപ്പോര്ട്ട് നല്കാത്തതില് പ്രതിഷേധം പ്രകടിപ്പിച്ച് പ്രതിപക്ഷനേതാവ് വി.ഡി സതീശന് രംഗത്തെത്തി. ബജറ്റ് പൂര്വ ചര്ച്ചയ്ക്കുള്ള അവസരം ഇല്ലാതാക്കിയെന്നും അദ്ദേഹം പറഞ്ഞു. എന്നാല് സാമ്പത്തിക അവലോകനറിപ്പോര്ട്ട് സമര്പ്പിക്കാന് കൃത്യമായ സമയപരിധി ഇല്ലെന്ന് സ്പീക്കര് പ്രതിരോധിച്ചു.
സാമ്പത്തിക സര്വെ സ്റ്റിയാറ്റിയൂട്ടറി രേഖയല്ല. സഭാ സമ്മേളനത്തില് ഉണ്ടായ ഇടവേള കൊണ്ടാണ് നേരത്തെ വെക്കാനായില്ല. സഭയില് വയ്ക്കുന്നതിന് മുന്പ് പുറത്ത് ലഭ്യമാക്കുന്നതിനോട് ചെയറിന് യോജിപ്പില്ല. സാമ്പത്തിക റിപ്പോര്ട്ട് നിയമപരമായി സഭയില് വയ്ക്കേണ്ട രേഖയല്ലെന്നും സ്പീക്കര് പറഞ്ഞു. രണ്ടാം പിണറായി സര്ക്കാരിന്റെ ആദ്യ സമ്പൂര്ണ ബജറ്റ് അവതരണമാണ്. ധനമന്ത്രി കെ.എന്.ബാലഗോപാല് അവതരിപ്പിക്കുന്ന ആദ്യ സമ്പൂര്ണ ബജറ്റാണിത്. വരുമാനം വര്ധിപ്പിക്കാതെ മാര്ഗമില്ലെന്ന് ധനമന്ത്രി വ്യക്തമാക്കിയിട്ടുണ്ട്.
