കോന്നി : ബഫർ സോൺ മേഖലയിലെ നിയന്ത്രണങ്ങൾ പൂർണ്ണമായി ഒഴിവാക്കണം എന്ന് ആവശ്യപ്പെട്ട് സി പി ഐ കോന്നി മണ്ഡലം കമ്മിറ്റിയുടെ നേതൃത്വത്തിൽ ജൂൺ 25നു നടക്കുന്ന കോന്നി ബി എസ് എൻ എൽ ഓഫീസ് മാർച്ചിനും ധർണ്ണയ്ക്കും മുന്നോടിയായി സീതത്തോട് ലോക്കൽ കമ്മിറ്റിയുടെ നേതൃത്വത്തിൽ സംഘടിപ്പിച്ച സായാഹ്ന ധർണ്ണ അഖിലേന്ത്യാ കിസാൻ സഭ ജില്ലാ സെക്രട്ടറി ജിജി ജോർജ്ജ് ഉദ്ഘാടനം ചെയ്തു.
ലോക്കൽ കമ്മിറ്റി അസിസ്റ്റന്റ് സെക്രട്ടറി സജി പുളിമൂട്ടിൽ അധ്യക്ഷത വഹിച്ചു. സി പി ഐ സംസ്ഥാന കൗൺസിൽ അംഗം പി ആർ ഗോപിനാഥൻ, സി പി ഐ ജില്ലാ കൗൺസിൽ അംഗം ബീന മുഹമ്മദ് റാഫി, മണ്ഡലം കമ്മിറ്റി അംഗം പി ജെ തോമസ്, ബ്ലോക്ക് പഞ്ചായത്ത് വൈസ് പ്രസിഡന്റ് പി എസ്സ് സുജ, ലോക്കൽ സെക്രട്ടറി പി കെ വാസുദേവൻ, ലോക്കൽ കമ്മിറ്റി അംഗങ്ങൾ ആയ വി കെ വിനോദ്, മിനി തോമസ്, ഇന്ദിര പുരുഷോത്തമൻ, സത്യൻ, സജീവൻ, ഒ എസ്സ് സജു എന്നിവർ സംസാരിച്ചു.
