കൊച്ചി : സംസ്ഥാനത്ത് ബസുകള്ക്ക് അധിക ചാര്ജ്ജ് ഈടാക്കാനുള്ള ഹൈക്കോടതി വിധിക്ക് സ്റ്റേ. അധിക ബസ് ചാര്ജ്ജ് ഈടാക്കാമെന്നുള്ള ഉത്തരവ് ഡിവിഷന് ബഞ്ച് സ്റ്റേ ചെയ്തു. ഇതോടെ മിനിമം ചാര്ജ് ആയ എട്ട് രൂപ തന്നെയായിരിക്കും ഇനിയും വാങ്ങുവാന് കഴിയുക. വര്ധിപ്പിച്ച ടിക്കറ്റ് നിരക്ക് കുറയ്ക്കരുതെന്ന് ആവശ്യപ്പെട്ട് ബസുടമകളുടെ സംഘടന ഹൈക്കോടതിയെ സമീപിച്ചിരുന്നു. ഇതേതുടര്ന്നാണ് ഹൈക്കോടതി സിംഗിള് ബഞ്ച് ടിക്കറ്റ് നിരക്ക് കുറയ്ക്കരുതെന്ന് ഉത്തരവിട്ടത്. ഇതിനെതിരെയാണ് സര്ക്കാര് ഹൈക്കോടതിയില് അപ്പീല് നല്കിയത്.
