കോഴിക്കോട് : ബസ് ചാര്ജ് വര്ധന ആവശ്യപ്പെട്ട് ഇന്ന് അര്ധരാത്രി മുതല് സ്വകാര്യ ബസുകള് അനശ്ചിത കാലത്തേക്ക് പണിമുടക്കും. മിനിമം ചാര്ജ് 12 രൂപയാക്കി ഉയര്ത്തണമെന്നാണ് സ്വകാര്യ ബസ് ഉടമകളുടെ പ്രധാന ആവശ്യം.വിദ്യാര്ഥികളുടെ യാത്രാ നിരക്കില് കാലോചിതമായ വര്ധന ഉണ്ടാകണമെന്നും ബസുടമകള് ആവശ്യപ്പെടുന്നു. ചാര്ജ് വര്ധന ഉണ്ടായില്ലെങ്കില് സമരത്തിലേക്ക് നീങ്ങുമെന്ന നേരത്തെ ബസുടമകള് മുന്നറിയിപ്പ് നല്കിയിരുന്നു.
വിദ്യാര്ഥികളുടെ ബസ് ചാര്ജ് മിനിമം ചാര്ജിന്റെ പകുതിയായി വര്ധിപ്പിക്കണമെന്നാണ് സ്വകാര്യ ബസ് ഉടമകളുടെ ആവശ്യം. ചാര്ജ് വര്ധനയെന്ന ബസ് ഉടമകളുടെ ആവശ്യം ന്യായമെന്ന് ഗതാഗത മന്ത്രി ആന്റണി രാജു നേരത്തെ പറഞ്ഞിരുന്നു. ബസ് ചാര്ജ് വര്ധനവ് ഉടനെ ഉണ്ടാകുമെന്നും എന്നാല് എന്ന് മുതല് എന്നത് പറയാനാകില്ലെന്നുമാണ് ഗതാഗത മന്ത്രി പറഞ്ഞത്. സ്വകാര്യ ബസ് വ്യവസായത്തെ മുന്നോട്ട് കൊണ്ടുപോകാന് സര്ക്കാര് സഹായിക്കണമെന്നാണ് ബസ് ഉടമകളുടെ നിലപാട്.