കാബുള്: കാബൂളിലെ ട്യൂഷന് സെന്ററിലുണ്ടായ ചാവേര് ആക്രമണത്തില് കൊല്ലപ്പെട്ടവരുടെ എണ്ണം 53 ആയി ഉയര്ന്നു. 46 പെണ്കുട്ടികളും സ്ത്രീകളുമാണ് ചാവേര് ആക്രമണത്തില് ദാരുണമായി കൊല്ലപ്പെട്ടത്. നിരവധിപേര്ക്ക് പരിക്കേറ്റു. ശാഹിദ് മസ്റായി റോഡിലെ പുലെ സുഖ്ത പ്രദേശത്താണ് അഫ്ഗാനെ ഞെട്ടിച്ച സ്ഫോടനമുണ്ടായത്. വിദ്യാര്ത്ഥികള് സര്വ്വകലാശാലാ പരീക്ഷയ്ക്കായി തയ്യാറെടുക്കുന്നതിനിടെയാണ് സ്ഫോടനം നടന്നത്. കൊല്ലപ്പെട്ടവരില് 46 പെണ്കുട്ടികളും സ്ത്രീകളുമാണെന്ന് എഎഫ്പി റിപ്പോര്ട്ട് ചെയ്തു. 83 പേര്ക്കാണ് പരിക്കേറ്റതെന്ന് റിപ്പോര്ട്ടില് പറയുന്നു.
