ചേര്ത്തല : സ്കൂട്ടറില് കഞ്ചാവ് കടത്തിയ കൊലക്കേസ് പ്രതിയും മറ്റൊരാളും എക്സൈസിന്റെ പിടിയിലായി. ചേര്ത്തല എക്സ്റേ കവലയില് നടത്തിയ രാത്രികാല വാഹന പരിശോധനയിലാണ് 2.1 കിലോ കഞ്ചാവുമായി എറണാകുളം കണയന്നൂര് പത്താം മൈലില് ഉദയമ്ബേരൂര് മനക്കുന്നം ചിറ്റേഴത്ത് അനന്തു (23), എറണാകുളം മുളത്തുരുത്തി കുമ്പളം മാളിയേക്കല് നിബിന് പീറ്റര് (23) എന്നിവര് പിടിയിലായത്.
ഇവര് സഞ്ചരിച്ച ആക്ടിവ സ്കൂട്ടറും പിടിച്ചെടുത്തു. ആലപ്പുഴയില് ഹൗസ് ബോട്ടുകളില് നല്കുന്നതിനാണ് കഞ്ചാവ് കൊണ്ടുപോയതെന്നു പ്രതികള് ചോദ്യം ചെയ്യലില് സമ്മതിച്ചു. നിബിന് പനങ്ങാട് സ്റ്റേഷന് പരിധിയില് ഒരാളെ തലയ്ക്കടിച്ചു കൊന്ന കേസില് പ്രതിയാണെന്ന് ഉദ്യോഗസ്ഥര് പറഞ്ഞു. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു.