ആലപ്പുഴ : ആലപ്പുഴയിലെ കാപികോ റിസോര്‍ട്ടില്‍ മാധ്യമപ്രവര്‍ത്തകര്‍ക്കുനേരെ കയ്യേറ്റം. റിസോര്‍ട്ട് പൊളിക്കുന്നത് റിപ്പോര്‍ട്ട് ചെയ്യാനെത്തിയവരെ ജീവനക്കാര്‍ തടഞ്ഞു. പാണാവള്ളി നെടിയതുരുത്തിലെ 35,900 ചതുരശ്രയടി കെട്ടിടസമുച്ചയമാണ് പൊളിക്കുക. വേമ്പനാട് കായലിലെ തുരുത്തില്‍ സ്ഥിതിചെയ്യുന്ന റിസോര്‍ട്ട് തീരപരിപാലന നിയമം ലംഘിച്ചതിനാണ് പൊളിച്ചുമാറ്റാന്‍ സുപ്രീം കോടതി 2020ല്‍ ഉത്തരവിട്ടത്. ഒരാഴ്ചക്കുള്ളിൽ പൊളിക്കൽ നടപടികൾ പൂർത്തിയാക്കാനാണ് തീരുമാനം. ആലപ്പുഴ കലക്ടറുടെ നേതൃത്വത്തിലാണ് പൊളിക്കല്‍ നടപടികള്‍.
