കൊച്ചി : മലയാളത്തിലെ രണ്ട് യുവതാരങ്ങള്ക്ക് വിശ്രമിക്കാനായി എത്തിച്ച കാരവന് നികുതി അടയ്ക്കാത്തതിന്റെ പേരില് പിടികൂടി. മഹാരാഷ്ട്ര രജിസ്ട്രേഷനിലുള്ള അത്യാധുനിക സംവിധാനങ്ങളോടെയുള്ള കാരവാനാണ് മോട്ടോര് വാഹന വകുപ്പ് എന്ഫോഴ്സ്മെന്റ് സ്ക്വാഡ് കസ്റ്റഡിയിലെടുത്തത്. കൊച്ചി സ്വദേശിയാണ് വാഹനങ്ങള് ഇവിടെ വാടകയ്ക്ക് നല്കിയിരുന്നത്.
ഡെപ്യൂട്ടി ട്രാന്സ്പോര്ട്ട് കമ്മീഷണര് ഷാജി മാധവന് ലഭിച്ച രഹസ്യ വിവരത്തെ തുടര്ന്നാണ് കാരവന് കസ്റ്റഡിയിലെടുത്തത്. ഒരു വര്ഷത്തേക്ക് നികുതി ഇനത്തില് ഒരു ലക്ഷം രൂപയും പിഴയും അടയ്ക്കാന് വാഹനഉടമയ്ക്ക് നിര്ദേശം നല്കിയിട്ടുണ്ട്. ഇരുമ്പനം റോഡരികില് നടക്കുന്ന ചിത്രീകരണത്തിനിടയിലാണ് വാഹനം കസ്റ്റഡിയിലെടുത്തത്.
