പാലക്കാട് : പട്ടികവര്ഗ്ഗ വികസന വകുപ്പിന് കീഴില് അട്ടപ്പാടിയില് ആരംഭിക്കുന്ന ജില്ലയിലെ ആദ്യ സി.ബി.എസ്.ഇ. റസിഡന്ഷ്യല് സ്കൂള് ജൂണ് 20 ന് രാവിലെ 10.30 ന് പട്ടികജാതി-പട്ടികവര്ഗ വകുപ്പ് മന്ത്രി കെ.രാധാകൃഷ്ണന് ഉദ്ഘാടനം ചെയ്യും. അഗളി കിലാ കോണ്ഫറന്സ് ഹാളില് നടക്കുന്ന പരിപാടിയില് വി.കെ. ശ്രീകണ്ഠന് എം.പി അധ്യക്ഷനാകും. പരിപാടിയില് എന്. ഷംസുദ്ദീന് എം.എല്.എ. മുഖ്യാതിഥിയാവും. അഗളി കില ക്യാംപസില് ആരംഭിക്കുന്ന സ്കൂളില് ആദ്യവര്ഷം ആറാം തരത്തിലേക്ക് 30 പെണ്കുട്ടികള്ക്കും 30 ആണ്കുട്ടികള്ക്കുമാണ് പ്രവേശനം. ഭക്ഷണം, താമസം, പഠനം എന്നിവ സൗജന്യമായിരിക്കും. വിദ്യാര്ത്ഥികള്ക്ക് 24 മണിക്കൂര് വിദഗ്ധ അനധ്യാപകരുടെ സേവനവും ലഭിക്കും.
