റാന്നി : യു.ഡിഎഫിന് ഭരണം ഉണ്ടായിരുന്ന ചേത്തയ്ക്കൽ സർവീസ് സഹകരണ ബാങ്ക് ഭരണ സമിതി പിരിച്ചു വിട്ടു, അഡ്മിനിസ്ട്രേറ്റീവ് ഭരണം ഏർപ്പെടുത്തി. ബാങ്ക് ഭരണസമിതി പിരിച്ചുവിട്ടതിൽ പടക്കം പൊട്ടിച്ച് ആഹ്ലാദ പ്രകടനം നടത്തി യു.ഡി.എഫ് പ്രവർത്തകർ. മണ്ഡലം പ്രസിഡന്റ് ജോയിക്കുട്ടിയെ അനുകൂലിക്കുന്നവരും കഴിഞ്ഞ ബാങ്ക് തെരഞ്ഞെടുപ്പിൽ സ്ഥാനാർത്ഥികളായിരുന്നവരുമായ എന്നിവരാണ് പ്രകടനത്തിന് നേത്യത്വം നല്കിയത്.
ഭരണ സമിതി പിരിച്ചുവിട്ടതോടെ കോൺഗ്രസിൽ ഭിന്നത കൂടുതല്‍ രൂക്ഷമായി. രാഹുൽ ഗാന്ധി നടത്തിയ ഭാരത് ജോഡോ യാത്രയിൽ പോലും മണ്ഡലത്തിൽ നിന്നുള്ള പ്രാധിനിത്യം നന്നേ കുറവായിരുന്നു. ഇപ്പോൾ നടക്കുന്ന ഭവന സന്ദർശനത്തിലും പല ബൂത്ത് കമ്മിറ്റികളും നിസ്സഹകരണത്തിലാണ്. ബാങ്ക് പ്രസിഡന്റ് കാലാകാലങ്ങളായി എൽ ഡി ഫുമായി നടത്തിക്കൊണ്ടിരിക്കുന്ന അവിശുദ്ധ കൂട്ടുകെട്ടാണ് പിരിച്ചുവിട്ടെന്നുള്ള വാർത്തകൾ പോലും മൂടിവെച്ചതിനു കാരണം. ഡി സി സി പ്രസിഡന്റ്, കെ പി സി സി പ്രസിഡന്റ് എന്നിവർക്ക് പരാതി നല്‍കുവാന്‍ ഒരുങ്ങുകയാണ് കോണ്‍ഗ്രസ് പ്രവര്‍ത്തകര്‍.
