കോട്ടയം: വൈക്കത്ത് തെങ്ങുകയറ്റക്കാരന് തലകീഴായി തെങ്ങില് കുരുങ്ങി. തലയോലപ്പറമ്പ് വടയാര് വല്യാറത്തറയില് വിക്രമനാണ് തെങ്ങില് കുരുങ്ങിയത്.
തെങ്ങിന്റെ തലപ്പ് വൃത്തിയാക്കാനാണ് വിക്രമന് തെങ്ങില് കയറിയത്. അരമണിക്കൂറോളം തെങ്ങില് തലകീഴായി കിടന്ന വിക്രമനെ ഒടുവില് ഫയര്ഫോഴ്സ് എത്തിയാണ് വടം ഉപയോഗിച്ച് താഴെ ഇറക്കിയത്.
ഇന്നലെ വൈകീട്ടായിരുന്നു സംഭവം. തെങ്ങില് കുരുങ്ങിയ വിക്രമന് താഴെ വീണ് അപകടമുണ്ടാകാതിരിക്കാന് പുരയിടത്തിന്റെ ഉടമയും സമീപവാസികളും തെങ്ങിന് താഴെ ഫോംബെഡ് വിരിച്ചിരുന്നു. വൈക്കം ഫയര് സ്റ്റേഷന് സീനിയര് ഫയര് ഓഫീസര് വി. മനോജിന്റെ നേതൃത്വത്തിലുള്ള ഫയര് യൂണിറ്റ് ഉടന് സ്ഥലത്തെത്തി വടം ഉപയോഗിച്ച് വിക്രമനെ താഴെ ഇറക്കുകയായിരുന്നു. മറ്റ് ആരോഗ്യ പ്രശ്നങ്ങള് ഒന്നും ഇല്ലാത്തതിനാല് വിക്രമനെ പ്രാഥമിക ചികിത്സ നല്കിയ ശേഷം വീട്ടില് എത്തിച്ചു.
