ചെന്നൈ: തമിഴ്നാട്ടിലെ കൂടല്ലൂര് ജില്ലയില് പ്ലസ് ടു വിദ്യാര്ഥിനിയെ ആത്മഹത്യ ചെയ്ത നിലയില് കണ്ടെത്തി. സംഭവത്തില് ദുരൂഹ മരണത്തിന് കേസെടുത്ത പോലീസ് അന്വേഷണം ആരംഭിച്ചിട്ടുണ്ട്. ഒരുമാസത്തിനിടെ മൂന്നാമത്തെ വിദ്യാര്ഥിനിയെയാണ് തമിഴ്നാട്ടില് ആത്മഹത്യ നിലയില് കണ്ടെത്തുന്നത്. കുടുംബപ്രശ്നങ്ങള് കാരണം പെണ്കുട്ടി ആത്മഹത്യ ചെയ്തതാണെന്നാണ് പ്രാഥമിക നിഗമനമെന്ന് കൂടല്ലൂര് എസ്.പി എസ്. ശക്തിഗണേശന് പറഞ്ഞു.
നേരത്തെ കള്ളക്കുറിച്ചിയില് അധ്യാപകരുടെ പീഡനത്തെ തുടര്ന്ന് പ്ലസ് ടു വിദ്യാര്ഥിനി ആത്മഹത്യ ചെയ്ത സംഭവത്തില് വന് പ്രതിഷേധമുയര്ന്നിരുന്നു. ദേശീയപാത ഉപരോധിച്ച പ്രതിഷേധക്കാര് നിരവധി വാഹനങ്ങള്ക്ക് തീയിടുകയും ചെയ്തിരുന്നു. പെണ്കുട്ടിയുടെ മരണത്തില് അന്വേഷണം പുരോഗമിക്കുകയാണ്. തിങ്കളാഴ്ച തിരുവള്ളൂര് ജില്ലയിലും വിദ്യാര്ഥിനിയെ ആത്മഹത്യ ചെയ്ത നിലയില് കണ്ടെത്തിയിരുന്നു. ഗവൺമെൻറ് സ്കൂളിലെ വിദ്യാര്ഥിനിയെ ഹോസ്റ്റലിനുള്ളില് തൂങ്ങിമരിച്ച നിലയിലാണ് കണ്ടെത്തിയത്.
