ടൊവിനോ തോമസിനെ നായകനാക്കി ഖാലിദ് റഹ്മാൻ ഒരുക്കുന്ന തല്ലുമാലയുടെ ഫസ്റ്റ് ലുക്ക് പോസ്റ്റർ പുറത്ത്. മുഹ്സിൻ പരാരിയും അഷ്റഫ് ഹംസയും ചേർന്ന് കഥയൊരുക്കുന്ന ചിത്രം ആഷിക് ഉസ്മാൻ ആണ് നിർമിക്കുന്നത്. കല്യാണി പ്രിയദർശൻ ആണ് ചിത്രത്തിലെ നായിക. ഷൈൻ ടോം ചാക്കോ, ലുക്മാൻ, ചെമ്പൻ വിനോദ് ജോസ് തുടങ്ങിയവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്.
ആഷിക് അബുവിൻറെ നിർമ്മാണത്തിൽ മുഹ്സിൻ പരാരി സംവിധാനം ചെയ്യുമെന്ന് പ്രഖ്യാപിച്ചിരുന്ന പ്രോജക്റ്റ് ആണിത്. പിന്നീട് ഈ പ്രോജക്ട് ഖാലിദ് റഹ്മാൻ ചിത്രം സംവിധാനം ചെയ്യുമെന്ന് മുഹ്സിൻ പരാരി അറിയിക്കുകയായിരുന്നു. ഛായാഗ്രഹണം ജിംഷി ഖാലിദ്, സംഗീതം വിഷ്ണു വിജയ്, ഗാനരചന മുഹ്സിൻ പരാരി, എഡിറ്റിംഗ് നിഷാദ് യൂസഫ്